Gruaja që lindi në moshën 72-vjeçare, pranon se ishte më vështirë se që ka menduar (Foto)

Daljinder Kaur nga Punjab i Indisë, është bërë nënë në moshën 72-vjeçare, duke sjellë në jetë një djalë të shëndoshë.

Mirëpo, gruaja e moshuar pranon se ishte shumë më vështirë se që ka menduar, ndërsa shtatzënësia dhe lindja e kanë lënë me presion të lartë të gjakut dhe nyje të dobëta, transmeton Telegrafi.

Megjithëse e ka vështirë ta rrisë fëmijën, ajo nuk është penduar dhe se do të bëjë gjithçka për të.

“Jam vet e lodhur dhe nuk po mund të kujdesem si duhet edhe për të. Pasi që ka filluar të ecë ngadalë, më duhet gjithmonë t’i shkoj pas”, ka thënë Kaur lidhur me rastin.

Për 46 vite martesë, nuk kishin mundur të kenë fëmijë, por megjithëse bashkëshorti saj është 80-vjeçar vendosën të provojnë ngjizjen artificiale.

Fillimisht, atyre iu është refuzuar kërkesa, por pasi të gjitha analizat i kishte mirë, është kryer ndërhyrja që ka pasur rezultat pozitiv.

“Djaloshi lindi me peshë të vogël dhe unë nuk kisha gji, prandaj është ende nën peshën e dëshiruar. Mjekët më thonë se do të jetë i shëndoshë”, ka shtuar ajo. /Telegrafi/