Një grua u shpreh e bindur se kaloi pranë një ‘fantazme’ në një pyll të çuditshëm në Hawaii pa e kuptuar as vetë.
Kay Borleis po kryente një maratonë në shtigjet e Honolulu Mauka të Hawaiit, kur pretendoi se kishte hasur në atë krijesë, dhe fotografia që vërtetonte këtë ishte shkrepur nga shoqja e saj, Cassie, transmeton Telegrafi.
Në fillim as njëra dhe as tjetra nuk kishin vërejtur ndonjë gjë të pazakontë.
Megjithatë, përmes një vështrimi më të afërt në foto mund të detektohet një figurë e tmerrshme e errët që fshihej në pemë duke e shikuar sportisten drejtpërdrejt.
Detajin e kishte vërejtur mamaja e Cassie-t.
Kay mori pjesë në një maratonë në janar të vitit 2019 gjatë një eklipsi hënor, i cili shpesh lidhet me pamje paranormale dhe misterioze.
Të dyja dyshojnë se figura misterioze ishte në fakt shpirti i një luftëtari të lashtë në Hawaii i njohur si Marshuesi i Natës.
“Nuk e kemi parë që dikush të ketë kaluar dhe nuk kishte statuja përgjatë shtigjeve”, deklaroi Kay. /Telegrafi/
