Grenell: Hiqeni taksën 100 për qind, punoni drejt zhvillimit ekonomik

I dërguari i posaçëm të Shteteve të Bashkuara të Amerikës për dialogun Kosovë-Serbi, Richard Grenell, pas takimit me liderin e Lëvizjes Vetëvendosje, Albin Kurti ka thënë se për të pasur zhvillim ekonomik atëherë duhet të hiqet taksa 100 për qind.

Grenell ka thënë se është i interesuar për hapjen e vendeve të punës.

“Ajo që dua ta bëj shumë të qartë është se shtytja ekonomike që po tentoj ta bëj është gjëja më e rëndësishme, të krijojmë vende pune, të tentojmë të sjellim biznesmenët nga Evropa dhe Amerika. Njerëzit janë të uritur të vijnë këtu dhe të ndihmoj të rritet ekonomia, Administrata e Trumpit ka arritur ta rris ekonominë e vet, duke e larguar Qeverinë nga rruga, duke e bërë Qeverinë që të ndihmoj rritjen e bizneseve, për të bërë çdo ditë të njëjtën pyetje, se çfarë mund të bëjmë që të rrisim bizneset”, tha Grenell.

Ai ka shtuar se nuk duhet të ketë luftë politike dhe ekonomike.

“Të mos kemi vetëm luftë politike, por edhe ekonomike. Jam duke tentuar të injoroj këtë luftë polikë dhe të koncentrohem në zhvillimin e ekonomisë, dhe për këtë i thashë zotëri Krutit dhe do tu them të gjithë politikanëve që i takojë këtu se nëse duam zhvillim ekonomik taksa 100 për qind duhet të hiqet”, ka shtuar ai.

Po ashtu, Grenell pas takimit ka folur rreth marrëveshjes finale me Serbinë, duke thënë se nuk ka afat kohor se kur mund të arrihet një marrëveshje e tillë.

Kujtojmë se më 6 nëntor të vitit 2018, Qeveria në largim e Kosovës vendosi taksën prej 10 për qind për prodhimet me origjinë nga Serbia dhe Bosnja e Hercegovina, kurse më 21 nëntor kjo taksë u ashpërsua më 100 për qind për të gjitha produktet dhe mallrat e importuara nga këto dy shtete. /Telegrafi/