Grealish u tall me të para pesë muajsh – Almiron sot është ndër më të mirët në Ligën Premier dhe statistikat e tij janë larg më të mira se sa të anglezit

Paraguaiani Miguel Almiron është një nga zbulimet më të mëdha të sezonit në futbollin anglez dhe kjo ndodhi vetëm pesë muaj Jack Grealish ishte tallur me të.

Edhe pse ai u soll si nënshkrimi më i shtrenjtë në historinë e Man Cityt, Jack Grealish po përballet me një sërë kritikash, pasi nuk po ofron në fushë atë që pritej që prej tij kur erdhi në klub.

Ai i dha vetes të drejtën të tallej me Almiron në një ndeshje me të cilën paraguaiani nuk kishte asnjë lidhje.

Pasi Man City fitoi titullin sezonin e kaluar duke kthyer rezultatin ndaj Aston Villas, Grealish shpjegoi arsyet e fitores.

“Ishin dy sekrete. Njëri është Riyad Mahrez. Hiqeni atë nga fusha sa më shpejt të jetë e mundur, luan si Miguel Almiron. Tjetri është Bernardo Silva”, kishte thënë Grealish saktësisht pesë muaj më parë.

Por Almironi e kuptoi këtë si një dëshirë për të treguar veten. Që nga fillimi i sezonit të ri, paraguaiani ka luajtur si i rilindur dhe ka regjistruar statistika shumë më të mira se Grealish.

Premier League goals this season:
Miguel Almiron: 5
Jack Grealish: 1 pic.twitter.com/4g5YEH9WWL

— Janty (@CFC_Janty) October 19, 2022

Almiron është bërë titullar i rregullt te Newcastle dhe tashmë ka shënuar pesë gola, duke treguar më të mirët e tij që nga koha kur ka zbarkuar në Ligën Premier.

Trajneri Eddie Howe tha se Almiron nuk është i motivuar nga deklarata e Grealish, por se ai është i motivuar nga dëshira për t’u paraqitur sa më mirë te Newcastle. /Telegrafi/