Gratë deputete të Partisë Demokratike të Kosovës kanë lëshuar sallën e Kuvendit në shenjë proteste ndaj gjuhës fyese që është bërë drejt ministres së Drejtësisë, Dhurata Hoxha.
Lidhur me këtë çështje deputetja Selvie Halimi tha se është e shqetësuar me një gjuhë që po vazhdon dhe ajo po i kalon limitet.
“Më befason skajshmërisht rasti kur njerëzit që burojnë nga familjet atdhetare dhe kanë sakrifikuar shumë për Kosovën, në drejtim të mbrojtjes së drejtave të njeriut vazhdojnë që nga pardje, dje dhe sot të mos kursehen për një fjalor të papranueshëm ndaj ministres së Drejtësisë. Me shqetëson fakti që nga njerëz të tillë është e papranueshme që me një fjalor të tillë po degradojmë dhe tejkaluar çdo limit, çdo fjalë dhe se kjo po ndikon negativisht dhe shkatërron familjen”, tha Halimi.
Sami Kurteshi e ka quajtur lopë ministren e Drejtësisë Dhurata Hoxha./Telegrafi/
