Google ka lansuar Android 16 në qershor të vitit të kaluar për linjën Pixel, dhe tani kaluan mbi shtatë muaj që nga ajo kohë.
Sipas të dhënave më të fundit të Google për shpërndarjen e versioneve të Android, vetëm 7.5% e pajisjeve aktive përdorin Android 16, një shifër relativisht e ulët krahasuar me adoptimin e iOS nga Apple.
Versioni më i përdorur aktualisht është Android 15 me 19.3%, i ndjekur nga Android 14 me 17.2% dhe Android 13 me 13.9%.
Android 16 ndodhet në vendin e shtatë, duke u tejkaluar edhe nga Android 10, 11 dhe 12.
Përdorimi i versioneve më të reja të Android rritet gradualisht, pasi më shumë prodhues nxjerrin përditësime për pajisjet e tyre.
Pritet që në muajt e ardhshëm pjesa e pajisjeve me Android 16 të rritet ndjeshëm. /Telegrafi/
