Google blen shërbimin e muzikës, Songza

Google dje ka njoftuar se ka arritur marrëveshje me shërbimin shumë të dashur të muzikës Songza, për përvetësimin e kompanisë, e cila shihet si përpjekje e saj për zhvillimin e ofertës për Play Music.

Songza është një shërbim shumë unik i muzikës në hapësirën e ‘streaming’. Në vend se tu ofrojë përdoruesve qasje në këngë dhe albume, Songza u ofron atyre lista të muzikës të krijuara nga ekspertët në bazë të disponimit, ditës, kohës momentale dhe temës gjenerale.

Shërbimi është gjithashtu në dispozicion në ueb, por edhe si aplikacion mobil në iOS dhe Android, apo edhe në shërbimet si Chromecast.

Detajet e marrëveshjes mes Google dhe Songza nuk janë bërë të ditura, edhe pse thuhet se Google fillimisht ishte e interesuar që ta blejë vetëm pjesën e shërbimit të ofruar në ueb.

Google thotë se tani për tani, asgjë nuk do të ndryshojë për përdoruesit e Songza. Në muajt e ardhshëm, megjithatë, Google do të "shqyrtojë mënyrat për të sjellë pjesën më të dashur të Songza në Google Play Music. /Telegrafi/