Golf 8 imun ndaj vjedhjes!

Një version i ri i makinës popullore Golf është testuar në Gjermani, për përpjekjet më të zakonshme për vjedhje.

ADAC, një klub gjerman i makinave, testoi Golf 8 në situatat më të zakonshme të vjedhjeve dhe arriti në përfundim se kjo makinë është rezistuese ndaj vjedhjeve nga të ashtuquajturat “kuti stafetash”, të cilat sot janë teknika më e zakonshme në vjedhjet e makinave.

Për ta shpjeguar më saktë, nuk do të jetë e mundur të ndizni Golf 8 pa çelës nëse nuk e keni çelësin origjinal të makinës suaj në xhep ose në afërsi.

Golfi i ri është i pajisur me teknologji UWB, e cila zbulon saktësinë e sinjalit të radios, domethënë vlerëson me saktësi nëse sinjali vjen nga çelësi origjinal i largët VW ose është një pajisje që simulon sinjalin dhe me të hajdutët përpiqen të hyjnë në makinë.

Çmimet në lidhje me Golf 8 fillojnë nga 23 mijë euro dhe shkojnë deri në 29 mijë euro.

Brenda, të gjithë Golfët e rinj kanë një kabinë plotësisht digjital, e cila përfshin një tufë instrumentesh 10,25 inç dhe ekran qendror me prekje 10 inç.

Volkswagen është marka e parë kryesore që përfshin teknologjinë Car2X. Kjo lejon që Golf 8 të komunikojë me të tjerët, kështu që një Golf mund të “tregojë” rreziqet që ka shoferi përpara,  trafiku i bllokuar dhe incidente tjera. /kp/Telegrafi/