Dy të akuzuarve për shpëlarje parash u konfiskohet pasuria rreth 1 milion euro

Gjykata e Apelit ka njoftuar se dy të akuzuarve për “Shpëlarje të parasë në bashkëkryerje”, u ka vërtetuar dënimin me burg për dy të akuzuarit që Gjykata Themelore i kishte dënuar para rreth një viti.

I vetmi ndryshim i bërë në aktgjykim është ai i cilësimit juridik të veprës penale dhe atë veprimet e të pandehurve nga “Shpëlarja e parasë në bashkëkryerje”, janë ri-cilësuar në “Shpëlarja e parasë në bashkëkryerje”.

“Të akuzuarve për shpërlaje parash u vërtetohen dënimet me burgim, dhe u konfiskohet pasuria rreth 1,000, 000 ( një milion ) eurove Prishtinë, 03.02.2020 – Departamenti Special i Gjykatës së Apelit, ua ka vërtetuar dënimet me burgim me kusht prej dy vjetësh të akuzuarve F.S. dhe M.S. Atyre gjithashtu, u është vërtetuar edhe dënimi plotësues i shqiptuar nga ana Gjykatës Themelore në Prishtinë, për konfiskimin e pasurisë/ sendeve të përfituara nga kryerja e veprës penale në shumën prej 946,820.84 eurove”, thuhet në njoftimin e Gjykatës së Apelit.

“Aktgjykimi i gjykatës së shkallës së parë, i datës 28.03.2019, është ndryshuar vetëm sa i përket cilësimit juridik të veprës penale dhe atë veprimet e të pandehurve nga ‘Shpëlarja e parasë në bashkëkryerje’ sipas nenit 308 të Kodit Penal të Republikës së Kosovës (KPRK) dhe nenit 32 par.2 nënpara.2.1 dhe 2.2 të Ligjit mbi parandalimin e shpëlarjes së parave dhe financimin e terrorizmit, janë ri-cilësuar në ‘Shpëlarja e parasë në bashkëkryerje’ sipas nenit 308 të Kodit Penal të Republikës së Kosovës (KPRK) dhe nenit 56 par.1, pika 1.1 dhe 1.2 e Ligjit mbi parandalimin e shpëlarjes së parave dhe financimin e terrorizmit. Gjithsesi ky ri-vlerësim juridik nuk ka ndikuar në dënimin e të akuzuarve. Në çështje tjera aktgjykimi i ankimuar ka mbetur i pa ndryshuar”, thuhet në njoftim. /Telegrafi/