Gjithçka që ndodhi në ndeshjen e parë miqësore në Angli pas lejimit të futbollit – Arsenali në top formë, shkatërron Charltonin

Është zhvilluar ndeshja e parë miqësore nga një skuadër elitare në Angli pas lejimit të futbollit nga FA.

Arsenali ka qenë nikoqir i skuadrës rivale nga Londra, Charlton Athletic të cilën e ka mposhtur me rezultat të thellë 6-0.

Topçinjtë kësisoj kanë konfirmuar se janë në formë të mirë sportive, përkundër pauzës thuajse prej tre muajve.

Pjesa e parë përfundoi me rezultat 2-0 me golat nga Pierre-Emerick Aubameyang dhe Alecandre Lacazette, ndërsa në pjesën e dytë super talenti Eddie Nketiah realizoi het-trick para se Joe Willock të shënoj për rezultatin përfundimtar 6-0.

Trajneri Mikel Arteta ka provuar të gjithë futbollistët, ndërsa nga minuta e parë luajti Shkodran Mustafi ndërsa në pjesën e dytë u inkuadrua edhe shqiptari tjetër Granit Xhaka.

Ndeshja është luajtur në stadiumin e Arsenalit ‘Emirates Stadium’ me dyer të mbyllura dhe nuk kishte të pranishëm as gazetarë sportivë.

Të vetmit gazetar që ishin të pranishëm ishin ata të klubit anglez të cilët më vonë e kanë publikuar edhe raportin e ndeshjes.

Në këtë takim ishin të pranishëm vetëm drejtuesit e klubeve dhe disa anëtarë të Federatës së Futbollit të Anglisë.

Para ndeshjes u morën masat të rrepta sigurie duke dezinfektuar çdo gjë në ‘Emirates Stadium’ nga tribunat tek stolat e dy skuadrave, flamujt e kornerëve dhe portave.

Lojtarët në momentin që shënonin gol nuk përqafoheshin dhe vetëm përshëndeteshin me grusht.

Përveç stafit teknik që qëndronin në bankën rezervë, futbollistët që nuk ishin në fushë qëndronin në tribunat e stadiumit, por duke mbajtur distancën sociale.

View this post on Instagram

A great feeling to be back on the pitch. Even if it was just a friendly. #competition ? But it’s unreal, without a single fan in the stadium. Nevertheless, i am just overjoyed that things are starting to get going again. ? Carefully and step by step! Have a nice Sunday my friends ? #GX34 _________________________ Ein tolles Gefühl, endlich wieder auf dem Platz zu stehen. Auch wenn’s erstmal nur ein Freundschaftsspiel war. #competition ? Aber es ist crazy, ohne einen einzigen Fan im Stadion. Ich bin einfach nur happy, dass es langsam wieder richtig los geht. ? Vorsichtig und step by step! Ich wünsche euch einen schönen Sonntag Freunde ? #GX34

A post shared by Granit Xhaka (@granitxhaka) on Jun 7, 2020 at 12:48am PDT

Gjithsesi ndeshja e parë në Angli pas lejimit nga FA ishte e suksesshme dhe lojtarët kanë respektuar plotësisht protokollin e vendosur nga shtëpia më e madhe e futbollit anglez në bashkëpunim me qeverinë. /Telegrafi/