Gjilani rikthehet te fitoret, i falet golit të Armend Thaqit

Gjilani ka marrë fitore të mundimshme 1-0 përballë Vllaznisë së Pozhoranit.

Gjilani në këtë takim vinte pas humbjes nga Drenica në kampionat dhe eliminimit në Kupë nga Vushtrria.

Bardh e kuqtë kanë probleme me tifozët e tyre Skifterat të cilët po kërkojnë shkarkimit e Arbnor Morinës.

Ndërkohë Vllaznia vinte e motivuar në Gjilan pas fitores minimale 1-0 ndaj Besës dhe kishte shtuar gjasat për mbijetës.

Mysafirët rrezikuan të parët me anë të Bergin Maliqit i cili nga gjuajtja e lirë qëlloi shtyllën në minutën e 13’.

Rast të mirë për Vllazninë pati edhe Miftari por që gjuajtja e tij shkoi afër shtyllës.

Me rezultatin e barabartë 0-0 përfunduan 45 minutat e para të kësaj sfide.

Me të filluar pjesa e dytë Gjilani mori lojën nën kontroll dhe sulmonte vazhdimisht.

Dy raste të mira shënimi i kishte sulmuesi afrikan Mbella por pa arritur të gjejë golin.

E goli i parë në ndeshje erdhi në minutën e ’78, ku Gjilanin e kaloi në epërsi Armend Thaqi.

Kësisoj Gjilani pas fitores së arritur ngjitët në pozitën e katërt në tabelë me 35 pikë të tubuara.

Ndërkohë Vllaznia mbetet e fundit me vetëm 12 pikë pas 22 ndeshjeve. /Telegrafi/