Gërvalla pret në takim ministrin izraelit të Turizmit, shqyrtohet mundësia e lëvizjes pa viza

Ministrja e Punëve të Jashtme, Donika Gërvalla njofton se ka mirëpritur ministrin e Turizmit në Izrael, Haim Katz.

Përmes një postimi në platformën “X”, Gërvalla thotë se kanë pasur “diskutime produktive”.

“Më herët sot mirëprita në Kosovë Ministrin izraelit të Turizmit, z. Haim Katz. Ne patëm diskutime produktive rreth zhbllokimit të potencialit të plotë të sektorit tonë të gjallë të turizmit dhe eksplorimit të mundësisë së udhëtimit pa viza midis vendeve tona”, ka shkruar Gërvalla.

Gjatë ditës së sotme (e hënë), Ministrja e Industrisë, Ndërmarrësisë dhe Tregtisë, Rozeta Hajdari dhe homologu i saj izraelit, Haim Katz, kanë nënshkruar Deklaratën e Përbashkët ndërmjet Ministrisë së Industrisë, Ndërmarrësisë dhe Tregtisë dhe Ministrisë së Turizmit të Shtetit të Izraelit për bashkëpunimin në fushën e turizmit.

Siç thuhet në njoftimin e Ministrisë, kjo ka për qëllim forcimin e lidhjes ndërmjet dy vendeve, duke ndihmuar në zhvillimin e turizmit në përputhje me parimet e respektit reciprok dhe barazisë.

Earlier today, I welcomed the Israeli Minister of Tourism, Mr. Haim Katz, to Kosova. We had productive discussions about unlocking the full potential of our vibrant tourism sector and exploring the possibility of visa-free travel between our countries🇽🇰🇮🇱. pic.twitter.com/lky8m2MGFe

— Donika Gërvalla-Schwarz (@gervallaschwarz) September 11, 2023