Gazetarja e CNN-t në lot pas tërmeteve të reja në Turqi: Ishte tepër i fortë

Dy tërmete të forta me magnitudë 6.4 dhe 5.8 ballësh të Rihterit goditën në mbrëmje provincën Hatay të Turqisë.

Gazetarja turke e CNN-it, Buse Deviren, e cila po transmetonte drejtpërdrejt reagimet nga një kamp ku strehoheshin të mbijetuarit e tërmetit të 6 shkurtit që goditi Turqinë dhe Sirinë, shpërtheu në lot pas tërmeteve të mbrëmjes së sotme.

“Kam parë shumë njerëz duke ikur prej tendave nga frika se do të mbeten nën to”, tha ajo.

Lexo po ashtu Dy tërmete të fuqishme goditën Turqinë - qytetarë të frikësuar, shembje të ndërtesave dhe njerëz nën rrënoja

“Kishte panik. Toka po dridhej nën këmbët tona. Ne po dridheshim jashtëzakonisht shumë. Ishte një tërmet tepër i fortë. Nuk ishte si pasgoditje”, tha ajo.

Raportohet se shumë njerëz kanë mbetur nën rrënojat e ndërtesave të shembura.

Ndërkohë, Qendra Sizmike Evropiane paralajmëroi se zona bregdetare duhet të evakuohet urgjentisht, pasi ekziston rreziku i cunamit pas tërmeteve të fundit në Hatay.

Ndryshe, dy tërmetet e fundit të 6 shkurtit shkaktuan vdekjen e mbi 41 mijë personave në shtetin turk. /Telegrafi/

CNN Türk Muhabiri Buse Deviren:

"Yer ayağımızın altından kaydı. İnanılmaz büyük bir depremdi. Bu artçı gibi bir deprem değildi.

Burası şu anda duman altı. Muhtemelen yıkılmayan binalar yıkıldı." pic.twitter.com/WxvgihuviM

— Onedio (@onediocom) February 20, 2023