Gazetarja e BBC-së është bërë hit në internet, për faktin se gjatë raportimit të saj ajo është penguar nga vajza e saj e vogël.

Anna Holligan që është korrespondente në Hagë të Holandës, ka shpërndarë një video ku tenton të raportoj gjatë transmetimit live, transmeton Telegrafi.

Gjatë videos së shkurtër, Anna dëgjohet duke i kërkuar vajzës së saj Zena të shtrihet në karrocë me qëllim që të mos duket nga kamera.

“Zemër, shtrihu dhe bisedo me Elsan, nuk do të zgjasë shumë”, i thotë gazetarja bijës së saj.

Por 4-vjeçarja ishte e vendosur që të fitojë vazhdimisht vëmendjen e saj, duke e thirrur. “Mami, mami”, dëgjohej ajo duke e thirrur të ëmën. /Telegrafi/

Reklama