Një kalimtar civil mund të shihet duke filmuar momentin kur ushtria amerikane largon nga rruga automjetin ushtarak rus, në momentin kur këta të fundit tentojnë t'i tejkalojnë.
Një automjet i qëndrueshëm ndaj minave ushtarake amerikane M-ATV largoi nga rruga një automjet të blinduar të mjeteve ruse në veri-lindje të Sirisë, sipas një video të publikuar nga një civil sirian.
Gjithsesi, pamjet që po qarkullojnë së fundmi në internet thuhet se nuk është e qartë se kur saktësisht janë regjistruar, transmeton Telegrafi.
?So much to say and see here.
A U.S. military vehicle pushes Russian police vehicle off the road, in northeastern Syria.#Syria #Turkey #Russia #Idlib #Aleppo #Assad #Putin #Erdogan #Assadputin pic.twitter.com/hgLDNNXlEJ
— Holypolitic (@holypolitic) February 20, 2020
Një kamerë brenda një automjeti në dukje civilë, kapi incidentin që raportohet se ndodhi në afërsi të qytetit të Qamishli, afër kufirit turk.
Një kolonë ruse e përbërë nga tre automjete po lëvizte pasi dy automjeteve të ushtrisë amerikane kur një automjet rus u përpoq të kalonte automjetet amerikane në të djathtë, mirëpo ushtarët amerikanë nuk lejuan një gjë të tillë, duke i bllokuar rrugën dhe duke i nxjerrë ata jashtë rrugës. Të dy automjetet mund të jenë goditur në një pikë.
Një kalimtar civil mund të shihet duke u larguar nga rruga me kohë për të mos u goditur.
Automjetet ruse dhe amerikane u ndalën ndërsa makina civile po vazhdonte tutje.
Tensionet kanë qenë të larta midis forcave ruse, siriane, amerikane dhe turke në Siri muajt e fundit, veçanërisht kur shpërtheu përleshja midis Sirisë dhe Turqisë. /Telegrafi/
