Galloway: Forcimi i sundimit të së drejtës është thelbësor

Ambasadorja e Britanisë së Madhe në Maqedoni të Veriut, Rachel Galloway në rrjetin social ‘Twitter’ në lidhje me aferën ‘Haraçi’ tha se forcimi i sundimit të së drejtës në Maqedoni të Veriut është thelbësor.

“Forcimi i sundimit të së drejtës është thelbësor në Maqedoninë e Veriut dhe mundësi që institucionet e pavarura të tregojnë përkushtim ndaj drejtësisë për të gjithë qytetarët”, njofton Telegrafi Maqedoni.

Ndryshe, gjatë ditës së sotme Këshilli i Ambasadorëve përmes një komunikatë ka shprehur mbështetje për qëndrimet e presidentit të shtetit Stevo Pendarovski lidhur me rastin “Haraçi”.

“Këshilli i Ambasadorëve i jep mbështetje të plotë presidentit të Republikës Stevo Pendarovski për qëndrimet e tij të forta gjatë konferencës së djeshme për media. Presidenti u rreshtua në parimet e shtetit juridik dhe interesave të qytetarëve si dhe kredibilitetin e shtetit drejt agjendës euroatlantike të Maqedonisë”, thuhet në komunikatë./Telegrafi/

Upholding the Rule of Law is vital for North Macedonia and an opportunity for independent institutions to demonstrate commitment to justice for all citizens. https://t.co/valYqvwSoZ

— Rachel Galloway (@RGallowayUK) August 13, 2019