Futbolli spanjoll po humbet kohë – La Liga kampionati që luhet më pak futboll, Liga Premier pas tyre

Gazeta Marca ka publikuar një analizë ku tregon se sa futboll aktiv luhet në të gjitha kampionatet elitare evropiane, me La Ligan që ka shifra shqetësuese, ndërsa Ligue 1 është kampionati që ka më shumë futboll aktiv.

Për futbollin spanjoll kjo është një prirje shqetësuese kur merret parasysh se sa shumë kjo pengon intensitetin e lojës dhe sasinë e futbollit që tifozët po humbasin për shkak të ndryshimit të lojës.

Disa ditë më parë gazeta Marca publikoi një raport analize për të nënvizuar se sa futboll aktual luhet mesatarisht nga klubet në të gjithë Evropën.

#LaPortada El fútbol no puede perder más tiempo 🗞️ pic.twitter.com/gPqjnM3IJX

— MARCA (@marca) February 4, 2022

Kampionatet që luajnë më shumë futboll aktiv

La Liga është kampionati në Evropë ku luhet më së paku futboll, për sa i përket minutave mesatare ku topi është në lojë.

Mezi 54.4 për qind luhet në Spanjë, ndërsa pas tyre vjen Liga Premier me vetëm 56.05 për qind futboll aktiv.

Bundesliga renditet e treta nga kampionatet elitare pasi luhet 56.9 për qind futboll aktiv, teksa pas tyre vjen Serie A me 57.49 për qind dhe Ligue 1 e para me 58.52 për qind kampionati që luhet më shumë futboll.

Kush luan më shumë futboll në Spanjë

Real Madridi kryeson në Spanjë, me një mesatare prej 58.13 minutash futboll të luajtur në çdo ndeshje apo 60.45 për qind e ndeshjes dhe e vendos klubin në vendin e 8-të në renditjen e më shumë minutave të shpenzuara duke luajtur futboll për ndeshje.

Barcelona është e dyta në Spanjë dhe shpenzon vetëm 55.02 minuta me topin në lojë për ndeshje, duke e vendosur në vendin e 54-të në renditjen evropiane.

Cadiz mund të befasojë disa duke luajtur futbollin e pestë më së shumti në Spanjë duke arritur mesatarisht 55.9 për qind në raport me sasinë e një loje që shpenzohet me topin në lojë, menjëherë pas Valencias.

PSG kryeson renditjen e përgjithshme duke shpenzuar 63.08 për qind të ndeshjeve me topin në lojë.

Çfarë do të thotë kjo për futbollin spanjoll?

Shifrat sugjerojnë se skuadrat spanjolle do të përfitonin nga të pasurit më shumë kohë për lojë të shpenzuar me topin në lojë, pasi kjo mund të rrisë shanset dhe rrjedhshmërinë e lojës.

Disa nga skuadrat kryesore në La Ligas mund të mësojnë nga ato më poshtë në tabelë se si ta bëjnë këtë.

Deri më tani në sezonin aktual 2021/22, ndeshja që e pa topin në lojë për kohën më të gjatë, pa asnjë ndalesë, ishte mes Getafes dhe Cadizit që  zgjati 5.37 minuta.

Në këtë aspekt, ndeshjeve spanjolle u mungojnë kohët e gjata ku topi mbetet aktiv. Aktualisht, koha mesatare kur topi është në lojë në të dyja anët e një ndalimi në Spanjë është 2.83 minuta, shumë prapa Ligës Premier ku është 3.21 minuta.

Kur shikojmë ndërprerjet, gjashtë nga tetë skuadrat që kryejnë më shumë ndërprerje mesatare për lojë janë spanjolle (Rayo Vallecano, Osasuna, Valencia, Alaves, Athletic Bilbao dhe Celta Vigo). Në përgjithësi, në La Liga ka mesatarisht 101 ndalesa për lojë.

Renditja në përqindje e kohës efektive gjatë një ndeshjeje

/Telegrafi/