Fulham rrit ofertën për McTominay – Man Utd pritet ta pranojë shitjen e tij

Fulham është i interesuar për Scott McTominay të Manchester United dhe ka dorëzuar ofertën e dytë për mesfushorin skocez.

Muajin e kaluar, Fulham pa ofertën e tyre paraprake për McTominay të refuzuar nga Manchester United, të cilët besuan se oferta ishte më e ulët se sa pritjet e tyre.

Sipas The Guardian, Fulham tani ka paraqitur një ofertë të re me vlerë 24  milionë euro pasi ata kërkojnë të shtojnë kualitet në skuadër, pasi janë afër Emile Smith-Rowe nga Arsenali.

Sipas raportit, vlera e ofertës së dytë është ende nën vlerësimin e Manchester United për 27-vjeçarin. Djajtë e Kuq presin që një ofertë rreth 30 milionë euro për mesfushorin, ndërsa për lojtarin ka interesim edhe nga klubet turke Galatasaray dhe Fenerbahce.

Trajneri i Manchester United, Erik ten Hag ka shprehur gatishmërinë e tij për të mbajtur McTominay me klubin për një sezon tjetër, megjithatë klubi ka shpenzuar dhe duhet të shes këtë verë.

Lexo po ashtu Man Utd dëshiron të shesë shtatë yje për të mbledhur para për transferime të reja - emra të njohur në listë

Mesfushori skocez aktualisht po merr pjesë në turneun e Djajve të Kuq në Shtetet e Bashkuara./Telegrafi/