LAJMI I FUNDIT:

Fukarallëk buxhetor për gjuhën shqipe!

Fukarallëk buxhetor për gjuhën shqipe!

Nga 23 Agjenci të cilat financohen nga arka e shtetit, Agjencisë për realizimin e dygjuhësisë i është ndarë buxhet më i vogël dhe e njëjta ndodhet e fund të listës. Për Agjencinë e Zbatimit të dygjuhësisë nga arka shtetërore për vitin 2019 janë paraparë 136.991 euro, nga të cilat 6 milionë denarë janë paraparë për rroga. Sipas planit për sistematizim janë paraparë 74 vende pune, ndërsa me këto mjete të planifikuara mund të mbulohen rrogat vetëm se për 15 të punësuar.

Nga ana tjetër, edhe objekti në të cilën është vendosur Agjencia për Zbatimin e dygjuhësisë, nuk i plotëson kushtet normale për realizimin e obligimeve që burojnë nga Ligji për gjuhët. Në objektet e Agjencisë mungon inventari i nevojshëm, ndërsa me buxhet nuk janë paraparë mjete për këtë qëllim, ndërkohë që nga ajo pritet që të realizojë projekte për fillimin dhe zbatimin praktik të dygjuhësisë në Maqedoninë e Veriut. Përderisa Agjencia për zbatimin e dygjuhësisë gjendet e fundit në listën e 23 agjencive që financohen nga buxheti i shtetit, në krye të listës ndodhet Agjencia për financimin dhe zhvillimin e bujqësisë për të cilën është paraparë buxhet prej 141.055.284 euro, ndërsa e 14 në listë ndodhet Agjencia Tekniko Operative (ATO) për të cilën janë paraparë 815.040 euro, dhe e cila duhet të jetë ndërmjetësuese në procesin e ndjekjes së komunikimeve.

Nënkryetari i Aleancës për Shqiptarët (ASH), Remzi Mehmedi thotë se jo serioziteti i kësaj Qeverie është lehtë i verifikueshëm nga shumë këndvështrime duke nisur nga fakti që është totalisht e dështuar në planin e brendshëm, nga ajo që përbëhet nga persona në ekzekutiv të dyshuar për keqpërdorime të mëdha dhe sigurisht deri te jo efikasiteti i përmbushjes së obligimeve, si që është edhe çështja e zbatimit të dygjuhësisë.

“Jo serioziteti i qeverisë në drejtim të zbatimit të gjuhës shqipe ishte evident edhe në kohën kur duhej të votohet Ligji për Përdorimin e Gjuhëve gjë për të cilën Aleanca për Shqiptarët kushtëzoi shumicën me largim nga qeveria nëse ky ligj nuk do te votohej brenda 100 ditëve të para. Po ashtu jo serioziteti vërehet edhe në raste të shumta që veç më janë bërë publike ku shihet qartë bastardimi i gjuhës shqipe”, deklaroi për gazetën KOHA, Mehmedi.

Sipas tij, mirë është të ndërmerren urgjentisht të gjitha hapat e nevojshme që ligji të zbatohet ashtu si është paraparë edhe në drejtim të financimit edhe në drejtim të punësimeve dhe sigurisht edhe në drejtim të profesionalizimit.

“Maqedonia e Veriut nuk vuan shumë nga mungesa e ligjeve por vuan nga mungesa e moszbatimit të ligjeve prandaj urojmë që Ligji për përdorimin e gjuhëve mos të ketë fatin e njëjtë si shumë ligje të pazbatuara”, thekson Mehmeti.

Nga ana tjetër, sekretari i përgjithshëm i Lëvizjes BESA, Arjanit Hoxha konstaton se me këtë ritëm të funksionimit të Agjencisë për zbatimin e dygjuhësisë në pikëpyetje vihet funksionimi i saj i mëtejmë.

“Me këtë ritëm jo që këtë vit nuk do mund të funksionojë agjencia, por është pikëpyetje a do mund edhe vitin e ardhshëm. Është për të ardhur keq se sa kohë harxhon kjo qeveri për promovimin e ligjit të gjuhës ndërsa nuk merret fare me implementimin sidomos në funksionalizimin e agjencisë të gjuhëve”, deklaroi për gazetën KOHA, Hoxha.

Ndryshe, me ligjin e gjuhëve parashikohet që në të gjitha organet e pushtetit, institucionet qendrore, ndërmarrjet publike, agjencitë, drejtoritë, institucionet dhe organizatat, komisionet, personat juridikë të cilët ushtrojnë autorizime publike në pajtim me ligjin dhe institucionet e tjera, gjuhë zyrtare krahas gjuhës maqedonase dhe shkrimit të saj të jetë edhe gjuha që e flasin 20 për qind nga qytetarët e Republikës së Maqedonisë dhe shkrimi i saj (gjuha shqipe). Ndërsa për moszbatimin e ligjit janë paraparë edhe dënime me para të cilat duhet të shqiptoj Inspektorati për zbatimin e dygjuhësisë, për të cilin Ministria e Drejtësisë ka hartuar ligjin, por që nuk është miratuar në Parlament.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori