FRODEM: BDI në mënyrë aktive merr pjesë në ruajtjen e regjimit

Me rastin e 15 vjetorit të nënshkrimit të Marrëveshjes kornizë të Ohrit, Frodem vlerëson se nevojitet zbatim i plotë i asaj që është pajtuar, transmeton Telegrafi Maqedoni.

Zbatimi i plotë i Marrëveshjes së Ohrit dhe “Përzhino” janë bazë për Maqedoni të qëndrueshme. Dobësitë gjatë zbatimit të Marrëveshjes së Ohrit duhet të mënjanohen, ndërsa faktorët të cilët mund ta relativizojnë ose ta rrezikojnë duhet të anulohen, thuhet në njoftimin e Frodem.

“Dobësia më e madhe, respektivisht rreziku për zbatimin e tërësishëm, respektivisht, por edhe për varrosjen e Marrëveshjes së Ohrit, gjendet te partia BDI. Respektivisht kjo parti politike më shumë se 8 vjet është pjesë e pushtetit, e cila duke filluar nga viti 2011, me anë të zgjedhjeve krejtësisht të dyshimta (njëjtë si partneri i saj i koalicionit) e fiton pushtetin dhe realizon partizim të krejt shtetit. Me fjalë tjera BDI një periudhë më të gjatë merr pjesë aktive në ruajtjen e regjimit”, akuzojnë nga Frodem./Telegrafi/