Freuler beson se Atalanta mund ta fitojë Ligën e Kampionëve këtë vit

Mesfushori i Atalantas, Remo Freuler insiston që skuadra e tij beson se ata mund të fitojnë Ligën e Kampionëve këtë sezon.

Scudetto duket pak larg mundësive të Atalantas pas një barazimi 1-1 me Milanin mbrëmë, por Freuler po i mbështet ata për të shtyrë Juventusin edhe më shumë sezonin e ardhshëm.

“Para se të fillonte sezoni, unë i thashë Presidentit Luca Percassi se ne ishim më të fortë se vitin e kaluar. Arritëm të bëjmë hapin tjetër, duke konfirmuar kualifikimin në Ligën e Kampionëve”, ka thënë fillimisht Freuler për Sky Sport Italia.

“Sa i përket Scudettos, është gjithmonë e vështirë të flasësh më parë. Ne duam të marrim sa më shumë pikë që të jetë e mundur, por nëse luajmë ashtu si kemi bërë këtë sezon, gjithçka është e mundur”.

Lexo po ashtu Serie A konfirmon katër klubet që do të luajnë në LK sezonin e ardhshëm, Immobile kalon Ronaldon me gola

Reprezentuesi zviceran u përgjigj edhe në pyetjet për jetën nën urdhrat e Gian Piero Gasperinit dhe nëse ai ishte akoma i lumtur në Bergamo.

“Unë absolutisht nuk kam punuar ndonjëherë si më parë. Është e vështirë me Gasperinin. Nëse vjen një ofertë, atëherë është çështje tjetër, por unë jam i lumtur në Atalanta”.

“Kur arritëm në Ligën e Kampionëve, unë absolutisht nuk mendoja të largohesha dhe ende kam një kontratë të gjatë këtu. Jam i lumtur këtu”.

Lexo po ashtu Analizat që tregojnë se kush është favoritë për të fituar Ligën e Kampionëve për edicionin 2019/20

Atalanta përballen me Paris Saint-Germain në çerekfinalen e Ligës së Kampionëve, si pjesë e një formati ‘Final Eight’ në Lisbonë dhe Freuler beson se mund t’i dalin në fund kësaj gare.

“Janë tri ndeshje lojëra me nokaut. Ne mund ta mposhtim cilëndo skuadër me një ndeshje të vetme. Ne besojmë në shanset tona, natyrisht, përndryshe nuk do të shqetësoheshim as të shkonim në Lisbonë”, përfundoi ylli i Atalantas. /Telegrafi/