Fred nuk ka arritur të bëjë një asistim të saktë te Unitedi që nga muaji prill

Manchester United është aktualisht në krizë të rezultateve dhe kjo gjë nuk u ka ndodhur asnjëherë në histori.

Djajtë e Kuq kanë arritur t’i mbledhin vetëm nëntë pikë nga tetë ndeshje të zhvilluar në Ligën Premier, derisa gjenden vetëm dy pikë larg zonës që dërgon nga rënia prej ligës.

Juan Mata, Andreas Pereira dhe Fred, duket se janë në vendin e gabuar dhe një asistim i tyre nuk shkon në këmbën e bashkëlojtarit.

Tre mesfushorët mund të cilësohen në këtë sezon si më të dështuarit, madje më të dështuar se Alexis Sanchez që në këtë verë kaloi te Interi.

Fred u transferua për 55 milionë euro në verën e vitit 2018 te United, derisa ka bërë 25 paraqitje për klubin.

Ai ka regjistruar vetëm një asistim nga mesfusha dhe statistikat e tij sa vijnë e bëhen më të dobëta.

Sipas Mirror, Fred nuk ka arritur të bëjë një asistim të saktë te bashkëlojtarët që nga muaji prill i këtij viti.

Asistimi i vetëm i suksesshëm i tij erdhi ndaj Barcelonës, madje atë top nuk arriti ta kontrollonte Marcus Rashford, që kaloi lehtas në duart e Marc-Andre ter Stegen. /Telegrafi/