Franco Foda flet për mosftesën e Korenicës: Nëse vazhdon me këtë formë, mund të jetë në qershor

Meriton Korenica është duke kaluar nëpër një formë të shkëlqyer te CFR Cluj në Rumani, por ai po vazhdon të mbetet jashtë listës së Kosovës.

E për të është pyetur edhe përzgjedhësi Franco Foda në konferencën për shtyp që po e zhvillon.

Foda ka thënë se nuk mund t'i grumbullojnë 30 futbollistë.

Përzgjedhësi i Kosovës ka thënë se në rast se Korenica vazhdon me formën e tillë deri në qershor mund të jetë pjesë e listës.

“Fatkeqësisht nuk mund t’i ftojmë 30 lojtarë, kemi menduar t’i ftojmë vetëm 25 lojtarë, këta na kanë bindur se janë të duhurit".

"Në qershor i kemi ndeshjet tjera, nëse lojtari në fjalë vazhdon me formë të tillë, atëherë mund të ketë ftesë edhe për të", tha Foda. /Telegrafi/