Një video që tregon pamjet satelitore të Rripit të Gazës para dhe pas një fushate intensive të sulmeve ajrore nga Forcat Ajrore izraelite është bërë virale, duke treguar shkallën e shkatërrimit të shkaktuar në territorin palestinez me popullsi të dendur.

Krahasimi kishte tërhequr mbi 100 mijë shikime në kohën e publikimit të lajmit, pasi u postua të dielën, duke zbuluar se sa ndërtesa janë kthyer në rrënoja ose janë dëmtuar shumë, përcjell Telegrafi.

Një imazh nga ajri duket se tregon xhaminë Ahmed Yassin në qytetin e Gazës, e cila u godit më 9 tetor.

Muhammad Shehada, që punon për grupin e avokimit Euro-Med Human Rights Monitor, e përshkroi atë si "masakër të transmetuar në televizion".

Euro-Med ka akuzuar Izraelin për krime lufte dhe "vrasje sistematike", ndërsa nuk ia atribuon asnjë nga viktimat civile Hamasit, i cili fillimisht nisi një sulm ndaj Izraelit dhe ka kërkuar kundër evakuimit të zonave të shënjestruara. /Telegrafi/

Nga BotaBotë