Foshnja e porsalindur nxirret gjallë nga rrënojat e një ndërtese në Marok – kamerat filmojnë momentin rrëqethës

Derisa numri i viktimave nga tërmeti shkatërrues në Marok po rritet, një video që po qarkullon në rrjetet sociale, po bën xhiron e botës.

Bëhet fjalë për videon ku ekipet e shpëtimit arrijnë të nxjerrin të gjallë nga rrënojat – foshnjën e porsalindur që e kishin mbështjellë me batanije, transmeton Telegrafi.

Videoja po cilësohet si shpresë për jetë, kurse foshnja sipas mjekëve gëzon shëndet dhe pas ekzaminimeve i është dorëzuar familjarëve.

Deri më tani shumë qytetarë të Marokut po refuzojnë të kthehen në shtëpitë e tyre nga frika se mund ta pësojnë me jetë nga ndonjë tërmet tjetër, që do të shembte edhe ato pak shtëpi që kanë mbetur pa u shkundur.

Lexo po ashtu Mjeku nga Britania që përshkoi 1,800 milje me autoambulancë për të ndihmuar të prekurit nga tërmeti në Marok

Ndërkaq ekipet e shpëtimit janë duke punuar pa ndërprerë, me shpresën se do të arrijnë të nxjerrin sa më shumë të gjallë që kanë mbetur të ngujuar.

Ekspertët e fushës vlerësojnë se numri i viktimave të tërmetit mund të jetë akoma më i madh, për faktin se tërmeti kishte ndodhur natën dhe se nuk dihet se ku kishin përfunduar turma kur ndien lëkundjet. /Telegrafi/

View this post on Instagram

A post shared by Morocco World News (@moroccoworldnews)