Java e 18 e IPKO Superligës së Kosovës ishte nën diktatin e dy derbive të qytetit, në Gjilan dhe Prishtinë.
Në Gjilan si gjithmonë shumë tifozë, kësaj radhe edhe shumë gola, ku në fund fitues doli Drita (3-1).
N Prishtinë, befasi e madhe pasi Flamurtari edhe pse me 10 lojtarë arriti ta mposht Prishtinën.
Feronikeli kthehet lider duke fituar në Prizren nga Liria (2-0). As Llapi nuk ka gabuar ku ka fituar ndaj KEK-ut si mysafir 3-0.
Edhe Ballkani dhe Ferizaj kanë marr fitore të rëndësishme për objektivat e tyre.
Portieri
Flamur Neziri ishte ‘bajraktar’ i Flamurtarit në fitoren ndaj Prishtinës. Një gjuajtje të Morinës, dy të Aragos dhe një të Jasharovskit, ishin punët e tij që i ndali për të mos lejuar gol.
Me meritë më i miri i javës së 19-të.
Mbrojtja
Në të djathatë kthehet Përparim Islami. Punëtor shumë aktiv, ku harkimet e tij janë vrastare për mbrojtjet kundërshtare.
Në qendër Arian Limani që shënoi golin e parë në derbi ndaj Gjilanit.
Me të Agron Bruqi. Edhe pse mesfushor, ai luajti për 70 minuta në qendër të mbrojtjes, duke mos gabuar pothuajse asnjëherë.
Në krah të majtë Ilir Blakqori i Llapit, që ishte ndër më meritorët për fitoren ndaj KEK-ut.
Mesfusha
Edvin Kuc po tregohet mjaftë i rëndësishëm për Ballkanin. Ai e shënoi golin e qetësisë ndaj Drenicës.
Në krahë Egzon Krasniqi i cili luajti me mbrojtjen e Prishtinës dhe shënoi golin e dytë të takimit. Genc Hamiti po ashtu e ka siguruar një vend në formacion falë dy golave kundër Trepçës ’89.
Aty është edhe Haxhi Neziraj që tregoi formë të lartë në fitoren ndaj Gjilanit.
Sulmi
Në sulm është Kastriot Rexha që i vetëm e mposhti Lirinë ‘ameriko-jugore’.
Ai shënoi dy herë në këtë ndeshje.
Partner i Rexhës në sulm është Alban Shillova i cili shënoi gol mjaftë të bukur ndaj Prishtinës./Telegrafi/
