Forcat ruse mund ‘të nisin sulmin në Kiev në 24-96 orët e ardhshme’ – ndoshta sonte

Një analizë nga një grup udhëheqës ushtarak amerikan sugjeron se forcat ruse po përgatiten për një sulm ndaj Kievit në ditët në vijim – ndoshta sonte.

Sipas Sky News, përcjell Telegrafi, Instituti për Studimin e Luftës thotë se forcat ruse po përqendrohen në periferinë lindore, veriperëndimore dhe perëndimore të kryeqytetit.

Dhe i lëshuar në orën 20:00 të mbrëmjes së kaluar me orën e Mbretërisë së Bashkuar, vlerësimi sugjeroi se sulmi do të ndodhte “në 24-96 orët e ardhshme”.

Lexo po ashtu Vezë e qumësht për mbijetesë, me familjen e saj jetojnë në një bunker: Rrëfimi i 20-vjeçares e cila përmes TikTok po tregon realitetin e tmerrshëm të agresionit rus në Ukrainë

“Rusët po sjellin furnizime dhe përforcime, si dhe po kryejnë sulme artilerie, ajrore dhe raketore për të dobësuar mbrojtjen dhe për të frikësuar mbrojtësit përpara një sulmi të tillë”, thuhet në deklaratë.

Lexo po ashtu Gjithçka që ndodhi gjatë 43 ditëve të agresionit rus në Ukrainë

Analiza tregon se operacioni mund të sinjalizojë një moment kyç në pushtimin e Putinit, duke pasur parasysh mungesën e sigurisë nëse ndonjë përpjekje për të marrë kontrollin e qytetit do të ishte apo jo e suksesshme.

Lexo po ashtu NATO-s mund t'i duhet të luftojë Rusinë tani ose më vonë, thotë ish-shefi i lartë ushtarak britanik

“Është shumë herët për të vlerësuar efektivitetin e mundshëm të çdo përpjekjeje ruse për të përfunduar rrethimin e Kievit ose për të pushtuar qytetin në këtë kohë”.

“Nëse trupat ruse kanë qenë në gjendje të rifurnizohen, riorganizohen dhe planifikojnë operacione të njëkohshme të qëllimshme dhe të koordinuara përgjatë disa akseve të avancimit rreth dhe në kryeqytet, ato mund të jenë më të suksesshme në këtë operacion sesa në aksionet e mëparshme”. /Telegrafi/