Fonseca prezantohet te Milani: Jam këtu për të fituar trofe

Paulo Fonseca është rikthyer për të punuar në Itali, kësaj radhe ka marrë frenat e gjigantit italian AC Milan.

Trajneri portugez është prezantuar zyrtarisht si trajneri më i ri i Milanit, teksa ka folur për aventurën që e pret në San Siro.

“Dua të falënderoj klubin për besimin që pati tek unë dhe te puna ime. Jam shumë i motivuar, i emocionuar dhe besimplotë se mund të bëj një punë të mirë. E di që vij në një klub që do të fitojë”.

“Isha në muze, pashë historinë e Milanit dhe me duhet të them që kam shumë ambicie për t’u bërë pjesë e kësaj historie. Zlatan Ibrahimovic më tregoi dhe hapësirën për trofetë e rinj”.

Lexo po ashtu Si mund të rreshtohet Milani sezonin e ardhshëm me Fonsecan dhe katër blerje të reja?

“Jam gati për të filluar këtë aventurë, mezi po pres. Jam i vetëdijshëm se është një përgjegjësi e madhe, por edhe një nder i madh. Milani është një klub universal. Kam shumë besim se do ta bëj të fitojë”.

“Duam të jemi një skuadër dominuese, kurajoze dhe agresive, që nuk i lë kundërshtarët të luajnë dhe që i bën krenarë tifozët”, deklaroi Fonseca.

Trajneri i ri i Milanit u ndal edhe te nevoja e një qendërsulmuesi, me klubin që prej kohësh kërkon profilin ideal për zëvendësuesin e Giroud.

Lexo po ashtu Zyrtare: Paulo Fonseca, trajner i ri i Milanit

“E dimë që na duhet një sulmues. Po kërkojmë atë me karakteristikat e duhura. Sulmuesi ynë i ri duhet të jetë i fortë në 30 metrat e fundit. I kemi idetë e qarta, e dimë se çfarë lojtari duam dhe presim ta kemi këtu së shpejti”.

“Jam këtu edhe sepse besoj shumë te lojtarët që kemi. Besoj shumë te kjo organikë. Sigurisht që kemi nevojë për ndonjë lojtar, pasi ka disa pozicione ku mund të përmirësohemi”, deklaroi Fonseca. /Telegrafi/