“Mund të më flisni pak për veten?” është një ndër pyetjet më të zakonshme dhe njëkohësisht më të vështira gjatë një interviste pune. Ka pafund përgjigje, por shumica janë gabim

Megjithatë mos u panikosni pasi me pak zgjuarsi mund t’ia dilni që të prezantoni sa më mirë veten.

Fillimisht studioni me kujdes kompaninë ku po aplikoni si edhe kërkesat kryesore në njoftimin për pozicionin e punës në mënyrë që të keni një informacion të bollshëm se ku duhet të përqendroheni.

Më pas, pa u zgjatur në detaje të panevojshme, mund ta filloni prezantimin duke cekur arsimin dhe disa specializime, por gjithnjë pa e tepruar pasi këto informacione janë të mirëpërcaktuara në CV-në tuaj.

Në vijim, përmendni një element kryesor karakterizues të punës suaj, për të cilin jeni të bindur se punëdhënësi/ja është e interesuar për ta patur pjesë të stafit.

Mos harroni kurrsesi të përmendi aftësitë dhe cilësitë, të cilat e bënë punëdhënësin e mëparshëm t’ju besonte.(Mos flisni kurrë keq për ish-shefin/en!).

Shtoni fakte dhe të dhëna të tjera që dëshmojnë aftësitë tuaja dhe argumentoni si kjo mundësi e re në punë do t’ju ndihmonte të rriteni profesionalisht, por njëkohësisht do të jetë efektive për kompaninë ku do të punësoheni.

Këshillë: Mos e thoni kurrë fjalinë “do të më shërbejë si një eksperiencë e mirë për të ngjitur shkallë të tjera të karrierës”, pasi krijoni përshtypjen se do të qëndroni për pak kohë në kompaninë në fjalë). /Telegrafi/