Florentino Perez: Real Madridi i ofroi Sergio Ramosit një kontratë dhe ai nuk e pranoi

Presidenti i Real Madridit, Florentino Perez ka thyer heshtjen tashmë dhe ka folur për largimin e kapitenit Sergio Ramos.

Perez e bëri të qartë se Los Blancos i bënë Ramosit një ofertë për të zgjatur kontratën e tij, me një afat të përfshirë, por që mbrojtësi nuk e pranoi.

“Kisha një kohë të vështirë për lamtumirën e Sergio Ramosit. E dua Sergio Ramosin si tim bir”, ka thënë fillimisht ka për El Transistor.

Lexo po ashtu Ramos shpërthen në lot për largimin nga Real Madridi: Nuk është lamtumirë, por mirupafshim

“Nuk kam qenë me të në konferencën lamtumirëse për shtyp sepse unë kurrë nuk kam qenë në një konferencë shtypi me ndonjë lojtar”.

“Unë kam një adhurim për Sergio Ramos dhe nuk do të flas për grindjet. Ai ka qenë një legjendë në Real Madrid dhe kjo është ajo që ne tifozëve të Real Madridit na mbetet”.

Lexo po ashtu Florentino Perez për lamtumirën e Ramosit: Nuk është një ditë e lehtë, Real Madrid do të jetë gjithmonë shtëpia juaj

“Ne i ofruam atij një kontratë, i dhamë një afat dhe ai nuk e pranoi atë. Ai po mendonte për gjëra të tjera dhe jeta vazhdon”.

“Ai do të bëjë shumë mirë me siguri, dhe kjo është shtëpia e tij. Unë do të isha i kënaqur nëse Ramos do të shkonte në një klub që i ofron atë që nuk kemi qenë në gjendje t’i ofrojmë”, përfundoi presidenti i Realit. /Telegrafi/