LAJMI I FUNDIT:

Flet Iljasa Zulfiu, heroi i Dukagjinit në Ligën e Konferencës: Golat e tij iu dhanë klinasve kualifikimin tutje

Flet Iljasa Zulfiu, heroi i Dukagjinit në Ligën e Konferencës: Golat e tij iu dhanë klinasve kualifikimin tutje

Sulmuesi anësor nga Miratoca e Preshevës, Iljasa Zulfiu i njohur ndryshe edhe si “Caja” ka folur në një intervistë për Telegrafin, ku ka treguar ndjenjat e tij për kalimin historik të Dukagjinit në raundin e dytë të Ligës së Konferencës, por edhe për ambientimin e tij me klubin klinas, ndeshjen e radhës në Evropë ndaj Rijekës dhe ëndrrën e tij të madhe.

Dukagjini ka arritur të sigurojë kalimin në raundin e dytë të Ligës së Konferencës pas fitoreve në dy ndeshjet ndaj Europa FC të Gjibraltarit.

Njëri nga më meritorët për kalimin tutje të klinasve, padyshim se ishte sulmuesi anësor, Iljasa Zulfiu, i cili në ndeshjen e parë në Prishtinë shënoi në shtesë golin e fitores 2-1, ndërsa dje (e enjte) në udhëtim shënoi dy gola.


Dukagjini fiton ndeshjen e shumë golave dhe kartonëve të kuq – siguron kualifikimin në raundin e dytë të Ligës së Konferencës
Lexo po ashtu Dukagjini fiton ndeshjen e shumë golave dhe kartonëve të kuq – siguron kualifikimin në raundin e dytë të Ligës së Konferencës

Pas fitores dhe kalimit në raundin e dytë, Zulfiu ka treguar se ndihet shumë i kënaqur pasi po bëjnë histori me klubin nga Klina, klub ku është pritur shumë mirë nga të gjithë dhe po kalon momente të mira.

“Jemi shumë të kënaqur si unë gjithashtu edhe ekipi sepse ishte kalim historik për klubin e Dukagjinit”, ka thënë fillimisht Zulfiu për Telegrafin.

“Kam bërë tash 1 vit dhe ndjehem shumë mirë, pasi kam gjetur një ambient shumë të mirë, si me pjesëtarët e klubit, si me bashkëlojtarët”.

Të gjithë duke festuar me golin e fitores të shënuar nga Iljasa Zulfiu (Foto: KF Dukagjini/Facebook)

Tutje, “Caja” ka folur edhe për kundërshtarin e ardhshëm të Dukagjinit, gjigantin kroat, Rijekën, të cilin e vlerëson shumë, por thotë se do të hyjnë për rezultat pozitiv.

“Shpresoj që me Rijekën të marrim një rezultat pozitiv edhe pse e dimë që Rijeka ka kualitet. Por, në futboll gjithçka është e mundur dhe ne si ekip kemi me dhënë maksimumin”.

Në fund, 25-vjeçari nga Miratoca e Preshevës ka folur edhe për ëndrrën e madhe për të luajtur te ndonjë klub evropian.

Iljasa Zulfiu, ylli i momentit te Dukagjini (Foto: KF Dukagjini/Facebook)

“Edhe unë si çdo lojtar kam ëndërr me dalë në Evropë me luajt me ndonjë klub evropian”.

“Shpresoj që një ditë Zoti të ma plotësoj dëshirën. Por, jo vetëm mua, po çdo njërit”, përfundoi ylli i Dukagjinit.

Ndryshe, Dukagjini ndeshjen e radhës në raundin e dytë të Ligës së Konferencës do ta zhvillojë më datë 27 korrik nga ora 19:00 në stadiumin Fadil Vokrri në Prishtinë, ndërsa atë kthyese më 3 gusht nga ora 20:15. /Telegrafi/

Në trend Sport

Më shumë
Do të ishte historike për afatin kalimtar shkëmbimi që po synojnë Real Madridi dhe Manchester City

Do të ishte historike për afatin kalimtar shkëmbimi që po synojnë Real Madridi dhe Manchester City

Ndërkombëtare
Foda publikon listën e Kosovës për dy ndeshje e marsit - tri prurje të reja

Foda publikon listën e Kosovës për dy ndeshje e marsit - tri prurje të reja

Përfaqësuesja e Kosovës
Gjyqtari Marciniak thyen heshtjen, tregon se si erdhi deri te anulimi i penalltisë së Julian Alvarez

Gjyqtari Marciniak thyen heshtjen, tregon se si erdhi deri te anulimi i penalltisë së Julian Alvarez

Liga e Kampionëve
Revolucion total tek Man United – Amorim ka vendosur t’i ‘heq qafe’ 10 lojtarë në verë

Revolucion total tek Man United – Amorim ka vendosur t’i ‘heq qafe’ 10 lojtarë në verë

Premier League
Shkëlqeu në përballjet ndaj tyre, Liverpooli përgatit 100 milionë euro për yllin e PSG-së

Shkëlqeu në përballjet ndaj tyre, Liverpooli përgatit 100 milionë euro për yllin e PSG-së

Premier League
Barcelona planifikon transferimin e yllit brazilian gjatë verës, nuk i intereson rikthimi i Neymarit

Barcelona planifikon transferimin e yllit brazilian gjatë verës, nuk i intereson rikthimi i Neymarit

La Liga
Kalo në kategori