Flet ‘heroi’ i Kosovës ndaj Zvicrës, Vedat Muriqi: Tani duhet të fitojmë ndaj Rumanisë

Vedat Muriqi ishe heroi i Kosovës në barazimin ndaj Zvicrës (2-2), duke shënuar dy gola.

Ai menjëherë e ka kthyer vëmendjen kah ndeshja e ardhshme ndaj Rumanisë, ndërsa ka pasur fjalë shumë të mira për Albion Rrahmanin.

“Kemi nisur lojën sipas taktikës, me kundërsulme. Një mosmarrëveshje na kushtoi. Ishte rrezik të biem prej lojës. Është normale që Zvicra të na shënoi. Por ia dolëm të barazojmë rezultatin”.

“Më pas nisëm të dalim jashtë taktikës. Pësuam për 2-1, por reaguam. Kam përqafuar gjithë lojtarët pas ndeshjes. Nuk është e rëndësishme kush shënon”.

“Faleminderit bashkëlojtarëve dhe tifozëve që na përkrahën deri në momentet e fundit. Për ta bërë më të vlefshme këtë pikë, duhet të fitojmë në Rumani”.

Të gjithë trajnerët e kanë mentalitetin dhe taktikën ndryshe. Trajnerin e njohin dhe ai na njeh neve. Nëse vazhdojmë të luftojmë si sonte, besoj se do të arrijmë shumë. Besoj që rekordin tim do ta thyej Albion Rrahmani, një futbollist shumë i mirë që punon shumë”, ka thënë Muriqi. /Telegrafi/