Flakët pushtojnë Kaliforninë e Jugut, pamje që tregojnë pasojat katastrofale

“Para zjarrit duhet të marrim një vendim: çfarë të shpëtojmë”, tha Dawn Deleon nga Kalifornia Jugore.

Bëhet e ditur se zjarri ka shkatërruar shtëpinë e Deleon në Ventura County, Kaliforni.

Është një problem që po bëhet gjithnjë e më i zakonshëm pasi ndryshimet klimatike të shkaktuara nga njerëzit “i shtojnë karburant zemërimit shkatërrues të zjarreve” në mbarë botën, veçanërisht në peizazhet tashmë të prirur ndaj zjarrit si Kalifornia Jugore, me erërat e saj të fuqishme.

Fuqia e zjarrit është e dukshme, shkruan AP, përcjell Telegrafi.

Nga pamjet e publikuara së fundmi, palmat shihen teksa luftojnë një mur të furishëm zjarri, zjarrfikësit duke shtyrë një veturë të vjetër në një mjegull tymi, një grua teksa shtrëngon një shall në fytyrën e saj dhe e dërgon kalin e saj larg nga kodra që digjet, e flakët e tmerrshme që zhveshin shtëpitë deri në themel.

“Nuk është kurrë një çështje nëse, por kur dhe sa të mëdha kur bëhet fjalë për zjarret në Kaliforninë Jugore”, tha Alex Hall, drejtor i Qendrës për Shkencën e Klimës në UCLA.

Ai e quajti ndikimin në jetë, jetesë dhe ekosistemet “me të vërtetë shkatërruese”. /Telegrafi/