Fjalët e Zelenskyt tregojnë se kundërsulmi ukrainas do të vijë së shpejti

Presidenti ukrainas Volodymyr Zelensky ka paralajmëruar me guxim Moskën se një kundërofensivë po vjen pikërisht kur dronët e dyshuar ukrainas goditën thellë në Krimenë e aneksuar.

“Do të ketë një kundërofensivë”, ka thënë Zelensky të premten disa orë përpara sulmit të pretenduar të Kievit shumë larg në territorin e armikut në një depo karburanti, përcjell Telegrafi.

Në një konferencë shtypi të premten, presidenti Zelensky u pyet për kundërsulmin e përfolur të Ukrainës: “Në këtë pikë çfarë mund të thoni?”.

Dhe përgjigja e tij ishte e thjeshtë: “Do të ketë një kundërsulm”.

Sulmi i dyshuar me dron ukrainas që hodhi në erë një depo të madhe karburanti në qytetin e pushtuar nga Rusia të Sevastopolit në orët e para të mëngjesit të sotëm sugjeron një guxim të synimit të Kievit për të goditur Rusinë.

Ky sulm ndoshta supozohet të jetë një hakmarrje ndaj Rusisë që hodhi një valë raketash në qytetet ukrainase ndërsa njerëzit flinin të premten në mëngjes në sulmet e para ajrore në shkallë të gjerë në dy muaj.

Lexo po ashtu Pse kundërofensiva eventuale e Ukrainës mund të shënojë momentin më të rëndësishëm të luftës

Ai u bë sulmi më vdekjeprurës në muaj, veçanërisht në qytetin Uman ku një raketë goditi një ndërtesë apartamentesh.

Numri i të vdekurve tani është rritur në 23 persona, duke përfshirë katër fëmijë.

Ukraina nuk mori përgjegjësinë sulmin në Krime, por zëdhënësi i mbrojtjes Andriy Yusov e përshkroi shpërthimin si “ndëshkim të Zotit” për tragjedinë në Uman.

Dhe në një fjalim të sotëm, Zelensky bëri të qartë synimet e tij për të goditur kundër një Rusie të dobësuar pas 14 muajsh luftimi.

“Rusia është bërë shumë më e dobët që atëherë. Ata kanë humbur një sasi të madhe të fuqisë njerëzore – ushtarë profesionistë,…”.

Zelensky kishte paralajmëruar në mars se rimarrja e Krimesë së aneksuar nga Rusia do të kërkonte humbje të mëdha për Ukrainën.

Megjithatë, ai e sheh ndryshe rezultatin tani.

Lexo po ashtu Zelensky zbulon se çfarë diskutuan gjatë "bisedës së rëndësishme" me Xi Jinping të Kinës

“Situata është shumë e ndryshme nga ajo e vitit të kaluar. Kështu që mund të jetë ndryshe në lidhje me Krimenë”, tha ai.

Përveç Zelenskyt, një deklaratë ka ardhur edhe nga ministri ukrainas i Mbrojtjes, Oleksii Reznikov.

“Sapo të ketë vullnetin e Zotit, motin dhe një vendim nga komandantët, ne do ta bëjmë atë”.

Edhe pse ai nuk aludoi se kur mund të ndodhte, ai tha: “Ne jemi në një përqindje të lartë gati” dhe se armët e sapodorëzuara perëndimore do t’i jepnin vendit “grushtin e hekurt” për të mundur Rusinë.

Ndërsa Kievi paralajmëron se përgatitjet për kundërofensivë, pothuajse kanë përfunduar, shefi i NATO-s Jens Stoltenberg konfirmoi se pothuajse të gjitha automjetet luftarake të premtuara ishin dorëzuar në Ukrainë. /Telegrafi/