Fitore e madhe e Liverpoolit, çerekfinalja është afër (Video)

Derbi anglez në Ligën e Evropës mes Liverpool dhe Manchester United i ka takuar vendasve me rezultat të pastër 2-0.

Skuadra e Jurgen Klopp ka arritur një fitore të madhe përballë rivalëve të përbetuar Manchester United në Evropë.

Në një ndeshje fantastike nga vendasit, goli i parë erdhi në minutën e 20-të, nëpërmjet sulmuesit Daniel Sturridge i cili shënoi nga penalltia.

Por epërsia e vendasve ka mundur të ngritët qysh në pjesën e parë, por portieri i United, David De Gea ishte në formë të mirë duke pritur disa gjuajtje.

Me rezultatin minimal 1-0, përfundoi pjesa e parë mes dy rivalëve të mëdhenj anglez.

Edhe në pjesën e dytë Liverpooli dominoi përballë Unitedit dhe shënoi edhe një gol për fitoren e sigurtë.

Mesfushori anglez Adam Lallana asistoi bukur te braziliani Roberto Firmino i cili shënoi për 2-0.

Me këtë fitore të pastër, Liverpool ka bërë një hap para drejt çerekfinales, ndërsa Unitedit i mbetet punë e vështirë për ta përmbysur këtë rezultat në javën e ardhshme ku do të zhvillohet ndeshja në ‘Old Traford’.

Në derbin spanjoll, Athletico Bilbao ka mposhtur minimalisht Valencian e Shkodran Mustafit 1-0, ndërsa Villareal ishte bindëse ndaj Leverkusenit 2-0.

Ndeshja e vetme pa fitues ishte ajo e zhvilluar në Pragë, ku Sparta e Pragës dhe Lazio barazuan 1-1. /Telegrafi/