Filipçe: Barna të reja për personat me sëmundje të rralla

Ministri i Shëndetësisë, Venko Filipçe, sot mori pjesë në shënimin e Ditës ndërkombëtare të sëmundjeve të rralla, që u mbajt në Qendrën rinore kulturore, nën organizimin e Aleancës kombëtare për sëmundje të rralla.

Ministri Filipçe tha se është obligim i ministrisë së Shëndetësisë të kujdeset për kushte më të mira dhe vendosjen e barnave të reja për personat me sëmundje të rralla, përcjell Telegrafi Maqedoni.

“Sivjet është rritur buxheti për furnizimin e barnave për sëmundje të rralla. Njerëzit me sëmundje të rralla me atë gjendje jetojnë me vite dhe gjatë dy viteve të kaluara punojmë bashkërisht me ato të gjejmë mënyrë për t’i zgjidhur problemet. Vitin e kaluar buxheti për sëmundjet e rralla ishte 220 milion denarë, ndërsa sivjet është 380 milion denarë”, tha Filipçe duke shtuar se ky buxhet do të rritet dyfish, apo 450 milion denarë.

Ai tha se Fondi i sigurimeve shëndetësore është duke punuar në mënyrë aktive për të gjetjen e zgjidhjes së përmirësuar diagnostikimin e njerëzve me sëmundje të ralla.

Ministri Filipçe tha se në vitin 2019 do të sigurohet terapi për të gjithë 20 pacientë me sëmundje të rralla që ishin në listën e pritjes në vitin 2018.

Përmes programit për shërimin e sëmundjeve të rralla në vitin 2019 është planifikuar furnizimi i 30 barnave për pacientët me sëmundje të rralla./Telegrafi/