Fermerët bllokojnë Brukselin, djegin goma pranë Parlamentit Evropian

Fermerët në Belgjikë vazhdojnë të protestojnë kundër politikës mjedisore të Bashkimit Evropian dhe importit të ushqimeve të lira.

Rreth një mijë shoferë traktori bllokuan rrugët kryesore në Bruksel mëngjesin e së enjtes, vlerëson policia. Disa hodhën vezë në ndërtesën e Parlamentit Evropian, të tjerë ndezën zjarre, goma dhe fishekzjarrë.

Fermerët po përpiqen të tërheqin vëmendjen e liderëve që kanë mbërritur në Bruksel për samitin e Këshillit Evropian, transmeton Telegrafi.

Brussels, Belgium 🇧🇪

Massive fires have been lit.

The farmers are not messing about.

pic.twitter.com/Nee4gUpfPl

— Niall O’Hara 🇮🇪 (@ThoughtsToby) February 1, 2024

Siguria në kantierin e ndërtimit ruhet nga oficerë policie të rangut të lartë, të cilët, pas barrierave të ngritura, mbikëqyrin traktorët e parkuar në një vend disa blloqe larg ndërtesës së Parlamentit Evropian.

Kryeministri belg Alexander De Croo u tha gazetarëve se do të dëshironte që tema e fermerëve dhe problemet e tyre të përfshihej në negociatat e liderëve të BE-së, megjithëse nuk është në rendin e ditës.

Sipas një zëdhënësi të policisë, ka më shumë se një mijë traktorë ose makina të tjera bujqësore në rrugët e Brukselit, veçanërisht rreth sheshit të Luksemburgut.

Shumica e fermerëve janë të rinj belgë nga jugu i vendit, nga rajonet Seneffe ose Tournai, por mes fermerëve ka edhe kolegë të tyre nga jashtë, shkruan The Brussels Times.

Fermerët shpresojnë se udhëheqësit e BE-së do t’i dëgjojnë thirrjet e tyre për të shkurtuar rregulloret dhe për të forcuar kontrollet mbi importet, të cilat fermerët thonë se po dëmtojnë jetesën e tyre. /Telegrafi/