Një video simpatike tregoi se si fëmijët përthithin gjithçka – madje edhe nofkat që prindërit përdorin për njëri-tjetrin.
Një nënë nga Karolina e Jugut, Analiese Maldonado, për vite me radhë e quante bashkëshortin e saj me një nofkë të ëmbël, “babe” apo “dashuri”. Megjithatë, ajo nuk e priste që djali i tyre 14-mujor, Anthony, ta fillonte ta thërriste të njëjtën gjë – dhe me shumë seriozitet.
Në videon që ndau në TikTok, vogëlushi Anthony qëndron dhe i thërret babait “Dashuri? Dashuri!”, duke u munduar ta gjejë në shtëpi. Videoja mori mbi 22 milionë shikime dhe më shumë se 3.3 milionë pëlqime brenda vetëm tre ditësh.
Në përshkrimin e videos, Analiese shkruan se “para se të kisha fëmijë, më dukej pak e çuditshme kur çiftet i thërrisnin njëri-tjetrit ‘mama’ dhe ‘baba’… derisa djali im filloi të thërriste ‘dashuri’ duke kërkuar burrin tim”.
Analiese pranon se kurrë nuk mund ta thërrasë burrin e saj “baba” kur i drejtohet drejtpërdrejt atij. “E di që shumë njerëz e bëjnë këtë, por për mua tingëllon shumë çuditshëm,” thotë ajo.
“Sigurisht që do t’i them djalit ‘shko tek baba’, por t’i them burrit ‘Baba, çfarë do të hamë për darkë?’… për mua është thjesht shumë.”
Ajo shton se punon me shumë njerëz të moshuar, dhe i duket interesante se si çiftet në të 80-at dhe 90-at e tyre ende i thërrasin njëri-tjetrit “mama” dhe “baba”, sepse kanë thënë kështu para fëmijëve për vite me radhë, por për të kjo kurrë nuk u bë zakon. /Telegrafi/
