Favoritët regjistrojnë fitore në Ligën e Parë në basketboll

Është zhvilluar edhe xhiroja e dytë në Ligën e Parë të Meshkujve në basketboll, ku kishte takime interesante.

AS Prishtina po dëshmon se e dëshiron vendin e parë dhe këtë xhiro ka shënuar fitore ndaj Prishtina e Re me rezultat 76-111. AS Prishtina ka dy fitore, kurse Prishtina e Re dy humbje.

Fitoren e dytë e ka realizuar Marigona Hill Prishtina, që ka mundur Lipjanin 90-66 (26:17, 15:20, 25:18, 24:11). Përderisa kjo ishte fitorja e dytë për Marigona Hill Prishtinën, për Lipjanin ishte humbja e dytë.

Një tjetër kandidate për vendin e parë, RC Cola Drita ka shënuar fitore ndaj New Basket me rezultat 72-67 (20:17, 15:17, 22:19, 15:14). Gjilanasit kanë një fitore dhe një humbje, kurse New Basket dy humbje nga po aq ndeshje.

Feronikeli që edicionin e kaluar ka garuar në Superligë ka shënuar fitore ndaj Megasport 87-72 (23:10, 18:22, 16:15, 30:25). Nikli regjistroi fitoren e parë, kurse Megasport ka një fitore dhe një humbje.

Fitoren e parë e ka realizuar edhe Istogu, që ka mundur Vushtrrinë me rezultat 70-58 (8:13, 26:16, 13:20, 23:9). Për istogasit kjo ishte fitorja e parë, kurse humbja e parë për Vushtrrinë që ka edhe një fitore.