Fansat mendojnë se kënga e re e Selena Gomez i dedikohet ish të dashurit të saj

Këngëtarja e famshme, Selena Gomez, i është përgjigjur thashethemeve se kënga e saj e re “Single Soon” ka të bëjë me marrëdhënien e saj me këngëtarin kanadez, The Weeknd.

Javën e kaluar doli kënga dhe videoklipi i ri dhe menjëherë u aludua se ajo po fliste për The Weeknd, me të cilin u takua në vitin 2017.

Vetëm pak muaj më parë, 31 vjeçarja zbuloi se ajo mendon se shfaqja e The Weeknd “The Idol” është e tmerrshme sepse personazhi kryesor Jocelyn, i luajtur nga Lilly-Rose Depp, ka shumë të përbashkëta me të.

Selena shkroi në Instagram për kuptimin e këngës së saj të re dhe i mohoi thashethemet.

“Nuk mund të ishte më e gabuar”, ka shkruar ajo në një koment në postimin e Hollywood Life, i cili i adreson këtë thashetheme.

Vetëm dy ditë më parë, ajo tregoi kuptimin e vërtetë të këngës së re.

“Faleminderit për gjithë dashurinë për këngën Single Soon”, ka shkruar ajo në foton në Instagram.

“Është një himn i gjallë për të qenë rehat në lëkurën tuaj dhe për të dashur shoqërinë tuaj”, vazhdon artistja.

Më herët në gusht, kur njoftoi se po kthehej me këngë të re, ajo theksoi se albumi i saj nuk ka përfunduar ende dhe se është kënga e parë e albumit të ardhshëm.

Kjo i gëzoi jashtëzakonisht fansat pasi ishte kënga e saj e parë solo në tre vjet. /Telegrafi/