Familja nga Kili ndalon funeralin për të parë ndeshje futbolli, shkakton reagime të shumta në rrjete sociale

Në një kthesë shumë të pazakontë ngjarjesh, një familje në Amerikën e Jugut ka ndaluar një funeral për të parë një ndeshje futbolli.

Një video e ngjashme po qarkullon në rrjete sociale dhe po merr reagime të shumta.

Në klipin tashmë viral, familja mund të shihet duke parë një ndeshje futbolli të Kupës së Amerikës midis Kilit dhe Perusë, ndërsa ishin ulur pranë arkivolit të një të afërmi, përcjell Telegrafi.

Mbishkrimi i videos së shpërndarë nga Tom Valentino thotë:

“Gjatë një funerali që ndodhi në të njëjtën kohë me ndeshjen e Kilit kundër Perusë në Kupën e Amerikës, familja e ndërpreu shërbimin për të parë ndeshjen në një ekran të madh në dhomën e lutjes. Ata madje e dekoruan arkivolin me fanella lojtarësh për fat të mirë”.

Chile 🇨🇱: During a funeral that happened at the same time as a Chile vs. Peru Copa America match, the family paused the service to watch the game on a big screen in the prayer room. They even decorated the coffin with player jerseys for good luck. 😆
pic.twitter.com/0KP7qpHh6d

— Tom Valentino (@TomValentinoo) June 23, 2024

Që kur u shpërnda, postimi ka grumbulluar reagime të ndryshme në internet.

“1000 për qind është ajo që ai do të kishte dashur”, komentoi një person.

“Kur Kupa e Amerikës është funerali më i rëndësishëm”, komentoi një tjetër. /Telegrafi/