Gwyneth Paltrow thuhet se është fejuar me të dashurin e ri, Brad Falchuk, ndërsa nuk ka kurrfarë hatërmbetje me ish-burrin e saj, Chris Martin.
Tre vite pas ndarjes nga frontmeni i “Coldplay”, aktorja e ka lëvduar familjen e saj moderne duke publikuar një fotografi të përbashkët të ish-burrit dhe të dashurit aktual.
Ylli i filmit “Shakespeare In Love” e ka postuar një imazh të realizuar të dielën, ku kanë pozuar të qeshur Martin dhe Falchuk.
(Foto: Instagram/Gwyneth Paltrow)
Rokeri 40 vjeçar dhe producenti 45 vjeçar kanë ngrënë mëngjes bashkë dhe kanë qeshur para fotoaparatit.
“Mëngjesi i të dielës. Familje moderne”, ka shkruar Paltrow në përshkrim.
(Foto: Getty Images)
Ndjekësit e shumtë të aktores në rrjetet sociale i kanë lëvduar dy meshkujt për sjelljen e tyre të pjekur në raport me njëri-tjetrin.
Brad dhe Gwyneth ishin takuar në xhirimet e serialit “Glee”, ku aktorja ishte mysafire në vitin 2014.
Martin dhe Paltrow ishin të martuar për dhjetë vite, ndërsa kanë dy fëmijë nga lidhja e tyre. /Telegrafi/
