Fakte interesante për Butanin – shtetin me kujdes shëndetësor falas dhe pa njerëz të pastrehë
Ky shtet misterioz dhe piktoresk i gjendur mes Indisë dhe Kinës ka qenë i mbyllur për turistët deri në vitin 1974.
Sot, çdo njeri që është i gatshëm të kalojë përmes shumë formaliteteve dhe ka mjaftueshëm para mund ta vizitojë Butanin, transmeton Telegrafi.
Dhe, pavarësisht se kufijtë janë të hapur, mbreti ende mundohet ta kufizojë numrin e turistëve përmes metodave të shumta.
Përndryshe, ky shtet njihet si një prej më të lumturve në botë, prandaj ekspertët edhe kanë vendosur t’ua studiojnë traditat dhe ndalesat e shumta që i kanë.
Më poshtë i keni disa fakte interesante për shtetin e Butanit.
Deri vonë nuk ka pasur internet dhe televizor
Në Butan, televizori dhe interneti kanë qenë zyrtarisht të ndaluar deri në vitin 1999. Por, ka qenë e pamundur të izolohet i tërë shteti nga teknologjia moderne, prandaj mbreti kishte vendosur ta anuloj këtë rregull. Marrë parasysh këtë, Butani njihet si një prej shteteve të fundit në botë që ka filluar të përdor televizor.
Ministria e Lumturisë
Në mënyrë që të kujdesen për paqen e brendshme të popullit, në vitin 2008 ishte formuar Komiteti i Lumturisë Nacionale.
Edhe në pyetësorin e regjistrimit të popullsisë ekziston kolona ku mund të tregoni se a jeni të kënaqur me jetën tuaj apo jo.
Veç këtij komiteti, ekziston edhe Ministria e Lumturisë. Kualiteti i jetës në Butan përcaktohet nga balancimi i financave dhe vlerave mendore.
Në Butan nuk ka të pastrehë
Në Butan, askush nuk jeton në rrugë. Nëse një person e humb shtëpinë, atyre u duhet të shkojnë te mbreti, i cili pastaj ua jep një copë tokë ku mund ta ndërtojnë shtëpinë dhe të mbjellin perime.
Kujdes falas shëndetësor
Çdo shtetas butanez e ka të drejtën për kujdes falas shëndetësor. Në Butan janë të jashtëzakonshme që të dy llojet e mjekësisë – ajo tradicionale dhe klasike – dhe vendasit kanë të drejt të vendosin se cilën metodë e preferojnë.
Kodi nacional i veshjes
Butanezët veshin rroba tradicionale. Statusi i një personi dhe niveli social identifikohen nga ngjyra e shallit që gjendet mbi shpatullën e majtë. Personat e zakonshëm mbajnë shalle të bardha, ndërkaq fisnikët dhe monkët mbajnë të verdhë.
Ndalimi i duhanit
Mbreti i Butanit e ka caktuar një ligj i cili e ndalon kultivimin, korrjen deh shitjen e duhanit në këtë shtet. Pra, është e pamundur të blini duhan në Butan. Turistët të cilët arrijnë ta vizitojnë këtë shtet duhet të paguajnë një taksi shumë të madhe nëse dëshirojnë që të marrin cigare me vete.
Kujdesi për kafshët dhe natyrën
Shteti është shumë i brengosur për ekologjinë dhe natyrën. Ata madje u kushtojnë vëmendje të veçantë edhe rritjes së pemëve. Vlen të ceket se Butani e kishte caktuar rekordin botëror kur kishte arritur t’i mbillte 50,000 pemë brenda një ore në vitin 2015.
Traditat e dasmave
Në Butan, është e ndaluar të martoheni me një të huaj. Mbreti bën çdo gjë që është e mundshme për ta ruajtur veçantinë dhe izolimin nga pjesa tjetër e botës.
Gjatë ceremonive martesore, murgjit lexojnë mantra. Thuhet se ky proces i lejon të porsamartuarit të ndërtojnë një lidhje të ngushtë mendore.
Turizmi i sfiduar
Megjithëse mbreti i ka hapur dyert e shtetit për vizita turistike, ai nuk i lejon ata të kenë qasje në të gjithë shtetin. Ju mund ta vizitoni Butanin vetëm me një grup tjetër turistësh. Të gjitha dokumentet dhe vizat lëshohen nga një kompani e përcaktuar nga shteti. Për të marrë leje, ju duhet t’i paguani të gjitha shpenzimet paraprakisht (biletat e aeroplanit, hotelin, taksat, vizat, sigurimin, shërbimet e guidave, etj.).
Në këtë shtet, ju keni të drejt të shëtiteni vetëm nëse keni një udhërrëfyes – ju nuk keni shans të dilni për të ecur vetëm! Një ditë në këtë shtet kushton zakonisht 250 dollarë.
Rrugët interesante…
Në kryeqytetin e Butanit nuk ka fare drita trafiku dhe kjo nuk është problem. Gjithashtu, të gjitha shenjat e rrugëve vizatohen me duar. /Telegrafi/
Promo
Reklamo këtuLufta Prigozhin - Putin
Më shumëSi të bësh para: Ç'ju mësuan prindërit e pasur fëmijëve të tyre?
Rregullat e karmës që do t’jua ndryshojnë perspektivën për jetën
Makina larëse harxhon dy herë më shumë energji elektrike për shkak të një gabimi që bëjmë
Zbulohen qytetet me erën më të mirë në Evropë. I pari është ndër më të vjetrit në botë
Menaxhoni peshën dhe luftoni infeksionet duke përdorur proteina dhe vitamina
Testi i famshëm i psikologut danez: Atë që e shihni të parën në foto, pa asnjë gabim zbulon karakterin tuaj më të rëndësishëm!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi