Facebook, mbi 116 milionë postime për Lojërat Olimpike

Të gjithë kemi dëgjuar se sa të famshme kanë qenë Lojërat Olimpike 2012 në rrjetet sociale, e sidomos në Facebook, por tani rrjeti social ka vendosur të publikojë statistikat zyrtare lidhur me njërën nga ngjarjet kryesore sportive të vitit.

Facebook vuri në dukje shifrën prej 116 milionë postimeve dhe komenteve që janë bërë në faqen e saj në lidhje me Lojërat Olimpike në Londër.

Atletët, kolektivisht kanë shtuar më shumë se 12.2 milionë pëlqime në faqet e tyre në mes të ceremonisë së hapjes dhe mbylljes së lojërave.

Facebook ka veçuar disa nga të dhënat më poshtë:

Sprinteri nga Xhamajka, Usain Bolt, ka shtuar 1 milionë fansa të rinj në faqen e tij, për t’i bërë rreth 8.1 milionë në total.

Faqja e notuesit më të famshëm amerikan, Michael Phelps ka arritur të grumbullojë më shumë se 850.000 fansa të rinj gjatë lojërave olimpike, për tu bërë rreth 6.3 milionë gjithsejt.

Edhe atletët nga Britania e Madhe kanë fituar më shumë famë gjatë gjithë lojërave olimpike. Jessica Ennis, atletja britanike ka pasur një rritje prej 632 për qind në faqen e saj, ndërsa zhytësi Tom Daley është rritur për rreth 672 për qind në Facebook.

Një rritje e ngjashme me siguri se është vërejtur edhe tek xhudistja kosovare Majlinda Kelmendi, pasi që para dhe gjatë gjithë kohës së qëndrimit të saj në Londër ajo ka qenë tema kryesore e të gjithë përdoruesve shqiptar të Facebook. / Telegrafi /