Elon Musk sugjeron se Bronny James pësoi sulm në zemër shkaku i vaksinën kundër COVID-19

Pronari i Twitter, Tesla dhe Space X, Elon Musk ka sugjeruar se vaksina kundër COVID-19 mund të jetën shkaktari që djali i LeBron James ka pësuar arrest kardiak.

Bronny James kishte qenë duke ushtruar me shokët e tij të rinj të skuadrës në USC kur u rrëzua në fushë të hënën përpara se të dërgohej me urgjencë në një spital. 18-vjeçari tani është në gjendje të mirë dhe nuk ndodhet në reanimacion.

Në përgjigje të një postimi të lajmit, njeriu më i pasur në botë, Musk, shkroi në Twitter: “Ne nuk mund t’i atribuojmë çdo gjë vaksinës, por, në të njëjtën kohë, edhe mund t’i atribuojmë. Miokarditi është një efekt anësor i njohur. Pyetja e vetme është nëse është i rrallë apo i zakonshëm”.

Lexo po ashtu Djali i LeBron James, Bronny pësoi arrest kardiak gjatë stërvitjes së basketbollit në Universitetin e Kalifornisë Jugore

Miokarditi është një inflamacion i muskujve të zemrës, i cili mund të shkaktojë një rrahje të shpejtë ose të çrregullt të zemrës, e cila mund të çojë në arrest kardiak.

Pavarësisht pretendimit të Musk, të dhënat e CDC deklaruan se kishte 635 raste të miokarditit të diagnostikuar nga 54.8 milionë doza të vaksinës mRNA që iu dhanë fëmijëve midis moshës 5 dhe 17 vjeç, me të dhënat që vinin nga maji 2022.

CDC ka thënë: “Çdo problem shëndetësor që ndodh pas vaksinimit konsiderohet një ngjarje e padëshiruar. Një ngjarje negative mund të shkaktohet nga vaksina ose mund të shkaktohet nga një ngjarje e rastësishme që nuk lidhet me vaksinën”.

LeBron James ka deklaruar më parë se ai dhe familja e tij e kanë bërë vaksinën. /Telegrafi/