Ekziston ngjyra ideale për dollapët e kuzhinës – do t’i ndryshojë mu të gjitha

Për t’ju ndihmuar që të zgjidhni nuancën e duhur, Nicole Gibbons, Nicole Gibbons, themeluese e Clare Paint, ka zbuluar këshillat e veta për ngjyra të cilat do të dominojnë në vitin 2021

Ajo ka ndarë gjithsej pesë opsione, nga nuancat e ngrohta të bardha deri te nuanca blu, ngjyrat më të preferuara të të gjitha kohëve.

---

Mirëpo, një propozim posaçërisht ka theksuar dhe ajo është ngjyra midis ngjyrës bezhë dhe së hirtës, transmeton Telegrafi.

– Ajo është ngjyra e ngrohtë neutrale e cila është goxha e sigurt. Duket jashtëzakonisht e bukur në dollapë dhe gjithmonë do të jetë super e popullarizuar – ka shtuar Gibbons.

Pos ngjyrës së parë klasike, Gibbons gjithashtu ka theksuar edhe katër ngjyra të cilat ia vlen të merren parasysh.

E bardha e ngrohtë: Dollapët e bardhë janë klasikë e përhershme, ndërkohë për vitin 2021 Gibbons parashikon trendin ndaj së bardhës së butë.

Tonet e ngrohta janë zgjedhje e shkëlqyeshme për dukje minimaliste, por edhe të këndshme dhe joshëse, ka thënë ajo, shkruan Apartment Therapy.

E gjelbra e errët: Nuancat e thella të së gjelbrës japin ndjenjë dramatike, të rregullt në kuzhinë. Gibbons ka vënë re që e gjelbra e ngopur misterioze më së miri shitet.

Nuancat e së kaltrës: Gibbons thotë që nuancat e së kaltrës duken shkëlqyeshëm në çdo dhomë, pa marrë parasysh stilin e rregullimit. Për vitin 2021 parashikohen nuanca të mbyllura të së kaltrës së errët.

E portokallta: Freskoni dollapët e kuzhinës me ngjyrën e butë të portokalltë të zbehtë apo me të portokalltën klasike të butë. /Telegrafi/