Ekspozon shputat e këmbëve në internet, fiton 100 mijë euro duke shitur çorape të palara dhe atlete të përdorura (Foto)

Roxy Sykes nga Londra, që punon si modele për ata që i kanë fetish shputat e këmbëve, pretendon se fiton deri në 100 mijë euro në vit, duke shitur çorape të palara dhe atlete të përdoruara te fansat e saj.

Pasi sikush i dha kompliment për ‘këmbët e bukura’, 33-vjeçarja vendosi të bëjë diçka dhe të përfitojë prej këtij lloji të pazakontë të industrisë erotike, transmeton Telegrafi.

Punonjësja e agjencisë së pronave të paluajtshme, hapi një llogari në Instagram për të parë se sa shumë të rëndësishme ishin shputat e saj të këmbëve. Kur nisi të grumbullonte nga dhjetëmijë ndjekës për çdo javë, vendosi t’i dëgjojë kërkesat e adhuruesve.

Me kërkesë të tyre, Roxy nisi të shiste çorape për 20 funte, teksa atletet deri në 200 funte. Tani që i bëhen katër vjet në këtë angazhim, ajo pretendon se i fiton deri në tetëmijë funte, në një muaj mjaft të ngjeshur.

“Më thanë se i kam këmbët e bukura, por nuk më dukej bindëse. E hapa llogarinë, ku nuk e shfaqja fytyrën, për të parë se sa po iu pëlqejnë këmbët e mija”, ka thënë Sykes.

Interesimi i madh, ka bërë që ajo të hapë edhe një ueb-faqe, ku dërgon imazhe private në këmbim të parave, duke mos hezituar që t’i vë shputat në poza të ndryshme dhe me aksesorët që kërkojnë klientët.

Madje, ajo thotë se në këtë punë ka shumë angazhim dhe kërkon edhe punonjëse tjera me këmbë të bukura, të cilave pa hezitim do ua mësonte se si funksionin kjo punë. /Telegrafi/