Eksperti i vozitjes zbulon qëllimin e vërtetë të shenjës ‘Baby on board’

Është e zakonshme që prindërit të kenë një shenjë “Baby on board” në pjesën e pasme të dritares së veturës.

Shumë supozojnë se kjo është ose për t’u sinjalizuar të tjerëve se mund të vozisin pak më me kujdes dhe për t’i inkurajuar që të jenë më të durueshëm.

Por mesa duket, kjo nuk është arsyeja e vetme pse ekziston shenja dhe prindërit kanë mbetur të habitur nga fakti që nuk e dinin, përcjell Telegrafi.

Përdoruesi pentagrammotorsport në TikTok, me anë të një videoje ka pyetur: “A po e përdorni gabim shenjën e foshnjës në bord? A e kuptoni se si supozohet të funksionojnë këto gjëra?”.

Eksperti i vozitjes vazhdoi: “A është aty për të thënë se kam fëmijë në veturë? Në fakt nuk është për këtë”.

“Kjo është një shenjë për shërbimet e urgjencës. Nëse ata e gjejnë veturën tuaj të aksidentuar, kjo është një shenjë për ata që ju gjejnë se duhet të kërkojnë fëmijën. Ky është qëllimi i kësaj shenje”, shtoi ai.

@pentagrammotorsportBaby on board sign♬ original sound – Pentagram Motorsport

Dhe rezulton se shumë njerëz nuk e kishin idenë.

“Gjithmonë kam menduar se ishte për të paralajmëruar shoferët e tjerë që të ngasin të sigurt”, tha një person.

Ndryshe, besohet se tabela u krijua për herë të parë nga Michael Lerner, një ish investitor i pasurive të paluajtshme në SHBA, në vitin 1984. /Telegrafi/