Ekipi Na’Vi i shpëton humbjes nga Complexity dhe kualifikohet në BLAST Premier Spring Final CS:GO

S1mple me një paraqitje fantastike në mapin e fundit e ndihmoi ekipin e tij për ta përmbysur rezultatin ndaj Complexity, duke e fituar ndeshjen me rezultat 2-1.

Na’Vi është ekipi i katërt qe ka siguruar pjesëmarrjen në BLAST Premier Spring Final, pas një ndeshje shumë të vështirë ndaj Complexity.

Complexity ishte shumë afër që ta fitonte ndeshjen ndaj Na’Vi, kur gjithçka ishte e barabartë 1-1 me mapa, ekipi amerikan pati një epërsi të madhe edhe në mapin e tretë 14-8.

Mirëpo Complexity nuk arritën që ta përmbyllin ndeshjen, duke e lejuar ekipin Na’Vi ta përmbys rezultatin për të fituar 16-14, dhe ndeshjen 2-1 me mapa.

Një rol të madh në mapin e fundit e luajti lojtari më i mirë në botë ‘s1mple’ i cili realizoi 31 eliminime.

This was a crazy match. That's all we have to say. Wow.#BLASTPremier pic.twitter.com/9pLY6Jglrb

— BLAST Premier 💥 (@BLASTPremier) January 28, 2023

Ndërkaq më i miri tek ekipi Na’Vi në të trija mapat ishte ‘b1t me 63 eliminime dhe vlerësimin 1.23.

Me këtë fitore Na’Vi iu është bashkuar ekipeve si FaZe, Vitality dhe G2 si pjesëmarrës në turneun BLAST Premier Spring Final.

Complexity në anën tjetër do të luaj në turneun BLAST Premier Showdown. /Telegrafi/