Ekipi i Kosovës ka siguruar fazën e Play-Off në turneun kualifikues për kampionatin botëror të Dota 2 në Bali

Sot ka filluar gara për ekipin e Kosovës, në turneun kualifikues të Dota 2, për kampionatin botëror i cili do të mbahet në Bali të Indonezisë.

Ekipi i Kosovës ka arritur që të fitoi të tri ndeshjet në kuadër të grupit B.

Përfaqësuesja e Kosovës në ndeshjen e parë u përball me atë të Malit të Zi, të cilët arritën ti mposhtin 1-0.

Në ndeshjen e dytë u takuan me ekipin e Norvegjisë të cilët gjithashtu arritën ti mposhtin me rezultat 1-0.

Ndeshjen e fundit në kuadër të grupit B, ekipi i Kosovës e zhvilloi ndaj ekipit të Uellsit, të cilët i mposhtën për të siguruar fazën e Play-Off si dhe vendin e parë në grupin B.

Tani ekipi i Kosovës do të përballet në Play-Off me skuadra të tjera të Evropës, ku fituesi do të sigurojë pjesëmarrjen në kampionatin botëror të Dota 2, IESF, i cili do të mbahet në Bali të Indonezisë.

Ky është formacioni i përfaqësues së Kosovës në Dota 2:

Ylli “garter” Ramadani

Florian “Fllo” Sedolli

Drin “cpirra” Idrizi

Albert “sadpk” Bahtiri

Lir “weatherbeaten” Nurboja

/Telegrafi/